Ang Kalibotan Mapanag-iya sa Usa
ka Kalibotanhong Gobyerno
Naunsa
kining tanan Pagsugod ~ Unang Parte
Ni:
Michelle Lake Niadtong Bernes, Enero 14, 2011 sa may 7:59 PM
Mga pinalanggang
mga Higala,
Sulod sa pila
ka mga tuig nga akong pagtoon sa Kasulatan, ug sa mga panghitabo sa kalibotan
nga nagsugilon sa Kasulatan. Kini nagtultol sa ako ngadto sa mga kongklusyon
nga ako untang ibahin kaninyong tanan. Ako nagtoo nga kini adunay kalabotan
ngadto sa kung asa na kita karon nga adlaw ug ang karon nga NWO nga mao ang
nagkontrol sa tanang gobyerno sa kalibotan, institusyon sa edukasyon, pasilidad
sa medisina, mga pagmantala ug mga balay, ug mga medya sa telebisyon, ug bisan
unsa pa…
Ang
pundasyon sa pagtoon nakabase sa Masoretic nga teksto nga naa sa King James nga
bersiyon sa Kasulatan. Ug ang ubang mga dokumento nga naglambigit ngadto sa
sayo nga kaagi sa usa ka nasud. Ang uban sa mga dokumento nga akong natun-an
mao ang Basahon sa Enoch, ang Basahon sa Jubilees, ang Genesis Apocryphon, ang
Basahon sa Jasher, ang manuskrito nga nakasulod sa Apocrypha ug dugang pa nga
manuskrito nga mao ang “Testimonya ni Abraham” gikan sa banban nga nakit-an sa
Egipto niadtong 1831. Ug daghan pang ubang mga pundo nga mga libro gikan sa
akong lokal nga mga librarya. Kini dili lang kaswal nga pagbasa pero ako nakapublikar
na ug libro gikan sa akong una nga pagtoon ug nakapublikar napud ug usa ka poster
sa linya sa panahon nga kauban sa libro nga nagmapa sa sukaranon nga kronolohiya
sa Kasulatan ug nagbutang sa mga punuan nga mga nasud sa kalibotan sa ibabaw
niini. Ako anaa na karon sa ikaduhang poster nga nagmapa sa mga yabi nga mga
punto sa kasaysayan samtang ako naa na karon akses sa mga bag-o nga mga
dokumento.
Ang uban sa
akong ibahin dinhi siguro lisod para sa kadaghanan sabton o dawaton. Kini sa
pandungog sobra ra ka-radikal. Pero ako kamo hangyoon nga inyong basahon nga
adunay pagpatalinghog kay adunay daghang mga misteryoso ug dili mapasabot nga
mga butang sa kinabuhi nga naghagit sa normal nga pamaagi sa paghunahuna ug ang
mga pagtulun-an sa atong katilingban. Pero siguro pud kamo wala natudluan sa
mga kamatuoran para sa pagsugod nga adunay impormasyon nga napugngan ug
natagoan gikan kaninyo ug sa katawhan.
Palihog pagpamalandong
niini pag-ayo. Unsa man ang akong nasulat diri mao ang resulta sa pila ka mga
tuig nga pagpaniksik ug pamalandong.
Nan karon,
diri kita muadto:
Adunay komun
nga tanod ngadto sa tanang mga dokumento nga nagsulte ug kalihokan nga nahitabo
kung asa “ang mga magbalantay”, “ang mga anak sa Ginoo” nakakita sa mga babaye
sa kalibotan nga mga gwapa ug nagpaliwat kanila ug nagpanganak ug mga higante.
Ang mga bukog nga salin niining mga higante nakubkoban na sa tibook Middle
East, ngadto sa India, Persia ug sa daghan nga mga lugar tabok sa globo.
Kini nga
bidyo nagbalidar ug nagpakita sa mga bukog nga salin niining mga higante.
Sulod sa
Unang basahon sa Enoch kining mga binuhat nga nagpaliwat sa mga babaye gitawag
ug “mga anghel, ang mga anak sa kalangitan”. Ang basahon sa Jubilees gitawag
sila ug “ang mga anghel ni Yahweh”, ug sa Genesis 6:2 “ang mga anak sa Ginoo.”
Sa karaan nga mitolohiya sa tibook kalibotan narekord nga kining mga kusgan nga
mga binuhat niabot gikan sa taas ug naghimo ug dagkong mga katingalahan. Kining
mga kusgan ka tagsatagsa gikonsiderar ug gitahod nga mga diosdios ug gituohan
nga mga diosdios nga daghang mga tao sa mga kanasuran sa tibook kalibotan nagtahod
ug nagsimba.
Kini pud nga
mga manuskrito naghatag kanato ug saktong panahon kung kanus-a kining mga kusgang
mga binuhat niabot diri sa kalibotan.
Ang Genesis
5, naghatag sa kaliwatan ni Adam, ug dinhi atong makita ang lalaki nga si
Jared, isip ang ikalima gikan kang Adam.
Ang Basahon
sa Jubilees 4:15 nag-ingon: “…ug iyang gitawag siya sa ngalan nga Jared, kay sa
iyang mga adlaw ang mga anghel ni Yahweh nikunsad sa kalibotan, kadtong gitawag
ug mga magbalantay…” Strongs Concordance ref: 3382, 3381, ang ngalan nga Jared
nagpasabot: tugpa, para panaog paubos, gisalibag paubos, gihagbong paubos. 1
Enoch 6:6 nagrekord: “… ug sila may duha ka gatos: nga nikunsad sa mga adlaw ni
Jared…” Kini makita gikan sa mga testimonya nga ang mga gihagbong nga mga
anghel ni Yahweh niabot diri sa kalibotan niadtong 460 AM, ang tuig nga si
Jared, ang anak ni Mahalaeel nahimugso.
Kining mga
langitnong mga binuhat nagdala ug dakong kadaotan, sila gitawag ug “mga
magbalantay” sulod sa mga basahon sa Jubilees ug sa Enoch giingon nga sila may
duha ka gatos ang numero, ug ako kining gi-matikmatik ug sila naa sa kalibotan mikabat
sa 1200 ka mga tuig sa wala pa ang lunop, nagpakaliwat ug nagpanudlo ug tanang
matang sa mga siyensiya ug mga teknolohiya ngadto sa mga katawhan sa kalibotan
sa wala pa ang dakong lunop miabot ug naglimpyo sa kalibotan. Ang “Pangabat”
mao ang walay lain kundi ang lamat sa mga magbalantay. Sila ang naingon nga mao
ang nagpanudlo sa katawhan ug daghang mga timgas nga mga tinagoan nga kita dapat
dili matudloan.
Sila
nagpanudlo, sa pagsagol ug usa ka liwat sa hayop ug sa lain, ang pagpaliwat sa
mga hayop ug sa mga tao, mga pangabat o panglamat, ang pagdalisay ug mga metaliko
sa kalibotan. Nagpanghimo ug mga hinagiban sa panggubat ug pakiggira. Ug sila
pud nagpanudlo sa paggamit sa mga gamut ug mga tanom para medisina ug panglamat.
Ug dugang pa ang pagpagwapa sa mga alubaw ug alahas. Ug ang paggamit sa metaliko
nga elemento.
Kini nga mga
siyensiya napud ang gipraktis karon, kauban sa moderno nga kalamboan sa
transhumanism kung diin ang usa ka siyentista nagasagol ug sab-oy (genes) sa
mga hayop ug sab-oy sa tao para makapalambo ug mas pa nga uswag ug pinalambong klase
sa tao nga binuhat, kini natuohan pinaagi niining mga tawhana nga kini mahimong
usa ka natural nga pag-uswag sa sistema sa ebolusyon nga atong gipuy-an. Ang katawhan
sa karon naghunahuna nga mahimong maayo ang pagpalambo ug tao nga adunay mata
sa agila, ug nay pamati sa pangsimhot nga pareha sa singgalong, usa ka tao nga
nay natural nga gawi sa pagpatay ug dili maloya pagdali…ug magpadayon pa…
Ug tungod sa
kauswagan sa teknolohiya sa pakiggira nga naa kita karon, kini nahimo nang
klaro nga daghan sa teknolohiya nga atong makita karon aktwal nga gikan sa
karaan ug uswag nga teknolohiya nga nabungkal gikan sa nangagi.
Akong nakita nga dili katuohan
nga ang andas (capstone) niining payramid adunay naglantaw nga mata sa ibabaw
niini ug dugang pa niini kini kargado ug mga simbolo sa Mason. Ang mga payramid
sa tibook kalibotan mao ang arte nga trabaho sa mason ug kada usa sa payramid
nagrepresenta ug bitoon ug konstelasyon sa langit. Sa Basahon sa Enoch aduna
kita mga langitnong binuhat nga gitawag nga mga “Magbalantay” nga niabot sa
kalibotan ug nagpanudlo ug tanang matang sa siyensiya nga nagtultol ngadto sa
dakong korapsiyon ug kadaotan. Mao ba kining mga “Magbalantay” ang mga
arkitekto sa mga payramid ug mga magtutukod sa mga mando sa Mason?
Ang mga
dagko nga mga payramid sa tibook globo, (sila makit-an sa China, sa South
America, Bosnia, Europe, Egypt [50], Mexico, Antarctica, Peru, etc) nahimong
tinuod nga misteryo sa kung kinsa ang nagtukod kanila kauban sa daghang mga
estraktura nga mga bato.
Kini pud
interesanto nga ang tinagoan nga mando sa mga tao nga naghatag ug kredito para sa
pagdumala sa atong kalibotan karon gitawag nga “ang mga Freemasons” ug ang trabaho
nga bato mao ang kaabtik sa mga Mason. Kining mga dagkong payramid naa dinhi sa
tibook kalibotan ug bag-o lang nadiskubre nga kada usa nagpresenta ug bitoon sa
langit. Ug kung inyo tan-awon ang 50 ka mga payramid (nga halos tanan mga may
kagubaan na) sa Egipto bago lang nadiskubre nga sila nagmapa sa kinatibok-an sa
konstelasyon sa mga bitoon nga may katukma nga igting. Kung muadto mo sa Google
Earth inyong ma-mapa ang 50 ka mga payramid, tapos pagkuha ug mapa sa bitoon ug
i-kompara. Ang mga payramid sa Giza nagrepresenta sa Orions Belt, adunay
payramid nga nagrepresenta sa Sirius ngadto sa Amihanan, ug laing grupo sa mga
payramid nga nagrepresenta sa Pilades ngadto sa Habagatan, ug ang Nile River
nagrepresenta sa Milky Way, ug uban pa.
Daghan sa
inyo mahimong pamilyar sa simbolo sa dolyar sa US nga bill nga makita isip usa
ka simbolo sa Illuminati ug kini puno ug simbolismo sa Mason. Ang payramid nga
adunay maglalantaw nga mata sa tanan nga naa sa andas. Adunay daghang mga
istorya mahitungod niining simbolo ug ako nagtoo nga kini nagsulte kanato ug
untop kinsa ang responsable sa pagbuhat sa mga payramid, ug kinsa ang mga
arkitekto niini, “ang mga Magbalantay” gikan sa wala pa ang dakong lunop ni
Noah. Ang mga magbalantay adunay ubay-ubay nga oras para pagbuhat sa mga
payramid, ug nagtudlo sa mga kalalakihan sa kalibotan mahitungod niini, samtang
niabot sila diri sa kalibotan sa may 1200 ka mga tuig sa wala pa ang ilang
kalibotan maguba sa lunop para ibahin ang ilang kahibalo ug ang teknolohiya.
Dili lang ako ang nagtapos niini kundili ako pud nakita ang uban nga nagtapos
niini nga pareha lang.
Kini pud
niabot sa akong atensiyon nga dili kung unsa ang naa ibabaw sa Giza nga labing
katingalahan, apan kung unsa ang nakit-an sa ilalom sa Giza Plateau ug uban
pang mga karaang lugar sa kalibotan. Gitrangkahan ilalom sa mga karaang lugar
sa tibook kalibotan, kini gihungihong, mga sekretong teknolohikal nga ang mga
daotang tawo sa kalibotan nanglimbasog para makahibalo. Ang mga tawo naghanap
ug mga karaang dokumento ug mga ginama para sa mga bag-ong pormula para sa pagproseso
ug nagkalain-laing metaliko, para pagbuhat ug danglog nga molupad nga sakayan,
ug sa atong nahibaloan ang mga dagkong panggubat nga napalambo. Daghan ang
nag-ingon nga sa mga karaang nasod sama sa Ehipto, Iraq, Afghanistan, Iran,
India, ug daghan pang mga lugar adunay mga dagkong teknolohiya para mabisto, ug
akong nadunggan nga nag-ingon nga nay usa ka rason nganung ang Amerika naa sa
Iraq, nga sa karaan kini gitawag ug Babylonia, kini para sa teknolohiya.
Pagtan-aw
balik karon sa Genesis 4, ako nagdahom para ipakita asa kining tanan nagsugod.
Palihog sa pagbasa sa Genesis 4.
Si Cain ug si Abel
Si Adan nakighilawas kang Eva nga iyang asawa ug nanamkon si Eva
ug nanganak ug batang lalaki. Miingon si Eva, “Nakabaton akog anak tungod sa
panabang sa GINOO.” Busa ginganlan niyag Cain ang bata. 2 Unya nanganak siyag
laing batang lalaki nga ginganlan ug Abel. Si Abel magbalantay sa mga karnero
ug si Cain mag-uuma. 3 Usa ka adlaw niana, naghalad si Cain ngadto sa GINOO ug
mga abot sa iyang uma. 4 Nagkuha usab si Abel ug pipila sa mga panganay sa iyang
labing maayong mga bahin ngadto sa GINOO. Nahimuot ang GINOO kang Abel ug sa
iyang halad 5 apan wala niya dawata si Cain ug ang iyang halad. Busa nasuko si
Cain ug nagmug-ot. 6 Ang GINOO miingon kang Cain, “Nganong nasuko ug nagmug-ot
ka man? 7 Kon mayo pa ang imong gibuhat, dawaton ko unta ang imong halad. Apan
kay daotan man, ang sala nag-atang kanimo sama sa ihalas nga mananap nga buot
motukob kanimo busa kinahanglan buntogon mo kini.”
8 Unya si Cain miingon kang Abel, “Mangadto ta sa uma.” Sa didto
na sila sa kaumahan, giunay ni Cain pagpatay ang iyang igsoon.
9 Unya ang GINOO nangutana kang Cain, “Hain man si Abel nga imong
igsoon?”
Si Cain mitubag, “Ambot! Magbalantay ba gud ko sa akong igsoon?”
10 Busa miingon ang GINOO, “Nganong gihimo mo man kini? Nadungog
ko ang dugo sa imong igsoon nga nagsangpit kanako gikan sa yuta. 11 Karon
tinunglo ka na ug isalikway ka sa yuta diin ang dugo sa imong igsoon nga imong
gipatay miagas ug mituhop. 12 Kon mag-uma ka, ang yuta dili na mohatag kanimog
abot. Magtagotago ka ug maglatagaw nga walay pinuy-anan sa kalibotan.”
13 Si Cain miingon sa GINOO, “Bug-at ra kaayo kanako kining
silota. 14 Giabog mo ako gikan niining yutaa ug gikan sa imong atubangan.
Maglatagaw ug magtagotago ako sa kalibotan ug patyon ako ni bisan kinsa nga
makakita kanako.”
15 Apan ang GINOO mitubag kaniya, “Dili kana mahitabo! Ang mopatay
kanimo panimaslan ug silotan ko ug pito ka pilo.” Busa gibutangan sa GINOO ug
patik si Cain aron dili siya patyon sa makakita kaniya. 16 Ug si Cain
mipahilayo sa GINOO ug mipuyo sa yuta nga ginganlag Nod sa silangan sa Eden.
Ang mga Kaliwat ni Cain
17 Si Cain nakighilawas sa iyang asawa. Nanamkon ang iyang asawa
ug nanganak ug batang lalaki nga ginganlan nilag Enoc. Unya nagtukod si Cain ug
siyudad nga ginganlan niyag Enoc agig pasidungog sa iyang anak. 18 Si Enoc may
anak nga ginganlag Irad nga mao ang amahan ni Mehujael ug si Mehujael maoy
amahan ni Metusael. Si Metusael maoy amahan ni Lamec. 19 Duha ang asawa ni
Lamec: si Ada ug Zila. 20 Si Ada nanganak kang Jabal nga mao ang amahan sa mga
nagbuhig kahayopan ug nagpuyo sa mga tolda. 21 Ang ngalan sa iyang igsoon mao
si Jubal nga mao ang amahan sa tanang musikero nga nagatugtog sa alpa ug sa
plawta. 22 Unya nanganak si Zila kang Tubal-Cain nga mao ang ginikanan sa
tanang tiggama ug mga butang gikan sa bronsi ug puthaw. Ang igsoong babaye ni
Tubal-Cain mao si Naama.
23
Si Lamec miingon sa iyang duha ka asawa,
“Ada
ug Sela, paminawa ninyo ako.
Nakapatay
akog batan-ong lalaki
Tungod
kay gisumbag niya ako.
24
Kon ang panimalos alang kang Cain pito ka pilo,
ang
panimalos alang kanako
kapitoan
ug pito ka pilo.”
Ang mga Kaliwat ni Adan
25 Unya nakighilawas na usab si Adan sa iyang asawa ug si Eva
nanganak ug batang lalaki. Si Eva miingon, “Gihatagan ako sa Dios ug anak ilis
kang Abel nga gipatay ni Cain.” Busa ginganlan niya ang bata ug Set. 26 Si Set
may anak nga lalaki nga ginganlan niyag Enos. Nagsugod niadtong panahona ang
mga tawo pagsangpit ug pagsimba sa ngalan ni Yahweh.
Bag-ohay pa
lang samtang ako nagmapa sa tanang kaliwatan sa Bibliya gikan sa Genesis, ako
nahuna-hunaan nga naa gayod importansya sa kung nganung si Cain mubo lamang ug kaliwatan
ang nahatag sa Genesis 4 ug natapos sa usa ka babaye nga gitawag ug Naamah.
Akong nadiskobre pinaagi sa manuskrito nga nahisgotan sama sa giingon ngadto
kang Abraham, nga namandoan si Noah sa pagpakasal kang Naamah para ang sumpa sa
liwat ni Cain makapadayon pinaagi sa lunop ug ang anak sa ilang pagpakasal mao
ang usa ka anak nga lalaki nga si Ham, kinsang ang tanang mga daotan ug
korapsiyon nibalik ibabaw sa kalibotan pinaagi kang Ham ug iyang mga sumusunod,
labi na si Cush ug Nimrod. Si Ham nagkinabuhi ug 100 ka tuig ibabaw sa
kalibotan sa wala pa ang lunop nga daghan ang panahon para pagtudlo sa mga tinagoang
mando sa kadaotan. Kining pareha nga Manuskrito klaro nga aduna pud tinagoang
mando sa wala pa ang lunop, sama ra sa naa karon nga daghang mga tinagoang
mando ug nagpadayon kini pinaagi sa lalaking anak ni Ham nga si Nimrod nga
nahimong labing gamhanang agalong Mahan sa mga tinagoang mando ug ang Ulohan sa
Espiritwal ug politikal nga lider sa kalibotan sa panahon nga siya nahimong
hari sa tibook kalibotan, Genesis 10:6-12.
Misulay si
Nimrod sa pag-otro sa mga kadaotan nga anaa sa kalibotan pinaagi sa pagtukod sa
Dakong Tore (posibli kini Payramid) apan ang iyang mga plano nahilabay. Nan
unsa man ang iyang gisulay pagkab-ot sa pagtukod sa Dakong Tore sa Babel?
Adunay daghang mga ebidensiya nga nagpakita sa mga tawo sa wala pa ang lunop
naa nay kaalam sa paglupad ug posibli espasyong pagbiyahe nga gipanudlo sa mga
“Magbalantay”, nan si Nimrod ba gustong muadto kung asa dapit ug ang payramid/tore
mao ang parte sa sistema sa power grid nga ilang kinahanglan para makab-ot
kini? Ang ingon sa mga kasugiran ilang gitukod ang tore para ilang makab-ot ang
mga kalangitan para sa pakig-away batok kang Yahweh. Ang mga pinulongan
nangalibog samtang si Nimrod adunay panabot sa dakong “Pulong sa Gahum”. Sama
nga naa sa Genesis 1, naghatag ug saysay kung giunsa paghimo kining kalibotan
ni YaHuWaH, makita nga si Nimrod aduna pud kaalam sa dakong gahum sa
pinulongan, mao nang ang mga pinulongan nangalibog ug dili na sila makahiusa sa
ilang mga kadaotan uban niining mga tinagoang gahum sa pinulongan. Daghan sa
mga karaang relihiyon sa kalibotan nagpraktis ug mga pinulongan sa panglamat
nga naghatag ug ubang mahunihong mga tono, nga napraktis gihapon karon.
Si Nimrod
anaa sa kalibotan dungan sa panahon ni Abraham. Ang Basahon sa Jasher nagsugilon
niini ug mao pud sa manuskrito nga naghatag sa Testimonya ni Abraham. Akong nahuna-hunaan
nga daghan kanato nga nay Bibliya, nga naghatag ug untop nga 4000 ka tuig nga
saysay sa kasaysayan, uban ang mga kaliwatan, instruksiyon sa kaayohan, mga
balaod ug uban nga niabot kanato pinaagi sa linya ni Abraham ug mao sab sa kaayohan
nga mando ni Melchezideck, wala ta nakahuna-huna nga aduna gayod pud mga rekord
sa mga libro gikan sa ngitngit nga pikas gikan kang Ham, Cush ug Nimrod nga natunol
ngadto sa ilang mga sumusunod nga kaliwatan. Well, kini wala niabot ug panahon
sa akong paghanap nga mao gayod. Kining mga tawhana, pagkatapos sa lunop, hilabihan
ka uswag sa ilang panabot sama sa ilang mga ginikanan nga sila Ham, Shem ug
Japeth nga natudloan sa teknolohiyang mauswagong kalibotan sa wala pa ang lunop
kung diin ang kada usa nga nagpuyo sulod sa pila ka gatos ka tuig ug natipon-tipon
nga kaalam mga halawom gayod. Kini gikan sa ilang mauswag nga kaalam nga ang
pundasyon sa atong gobyerno nangaporma, ang atong korte ug legal nga sistema,
sistema sa relihiyon, sistema sa medikal, sistema sa edukasyon. Ug gikan niini
ang atong mauswag nga tinagoang mga mando naporma ug napundar nga kabalikos uban
sa atong sopitikada nga relihiyosong politikong kalihokan nga gustong mag
ulipon sa katawhan sa kadaotan nga atong nakita sa atong kalibotan karon sa kinadak-ang
ang-ang.
Nan atong
nakita ang duha ka nagkalain-laing sistema sa pagpanabot nitungha ug duha ka
nagkalain-laing gingharian ibabaw sa kalibotan.
Una
mao ang sa kaayohang mando ni Melchezidek (Shem) kinsang manununod mao si
(H)Eber (ang Amahan sa mga Hebreyo) nga nagmando kang Abraham, Isaac and Jacob sa
pamaagi sa kaayohan ug pag-alagad kang YaHuWaH ang Magbubuhat sa Kalangitan ug
sa Yuta ug sa tanan nga anaa ibabaw sa kalibotan. Gikan niini nga grupo kita
nakapanunod sa dagkong libro sa Bibliya nga naghatag sa atong mga kagikan: kinsa
ang nagbuhat kanato. Kini puno sa kaalam ug mga sugo sa kaayohan nga mao ang
mga tultolanang prinsipyo sa Gingharian ni YaHuWaH.
Ang karaang simbolo sa duha
ka halas nga nagbalikos ibabaw sa pak-an nga posteng gitawag nga ang baton ni
Hermes, mao karon ang maayong nailhang simbolo sa medisina. Ang DNA nga dobleng
kulod nga lugas nga nagsimbolo sa mga halas nga nagbalikos nadiskobre lamang
niadtong tuig sa 1950 apan dinhi atong nakita nga kini nahibaloan sa mga
karaang tawo nga nagpraktis ug genetic nga manipulasyon sa wala pa ang lunop. Si
sa Ehipto nagpasabot ug anak ni Ham, nga
natuohang nagrepresenta kang Cush nga Amahan ni Nimrod. Kining Hermes nagsulat
ug daghang mga libro sa mga karaang siyensya. Kini nga simbolo mabalik ngadto
sa pila ka libong mga tuig.
Ang laing gingharian
nagdala kanato ug tinagoang mga mando sa kangitngit nga nagsunod sa mga pamaagi
ni Cain u gang mga Magbalantay pinaagi kang Ham, Cush ug Nimrod ug ilang gibutang ang ilang mga kaugalingon isip
mga diosdios ug nagmando sa mga tawo sa pagsimba, nagdala ug gubat ug pagbihag.
Nagbali sa mga kasingkasing sa mga tawo palayo sa pagsimba kang YaHuWaH ug nagpugos
sa mga tawo sa pagsimba kanila, ang ilang mga idolo ug mga demonyo. Gikan niini
nga gingharian niabot ang mga panudlo sa mga panglamat (lamat sa magbalantay), alkemiya,
mga pagsakripisyo ug tao, komersyo ug usura, pakiggira, dili makiangayong
manlupigong gobyerno, pangulipon. Ang klase nga sistema sa gobyerno (kontrol sa
panghunahuna) nga nagbutang kanato sa tibook kalibotan sa too nga pakoug wala
nga sistemang agila, naghatag ug walay aktwal nga pilianan para sa pagbotar sa
mga tao sama sa agila nga adunay duha ka pako nga usang kasingkasing ug
hunahuna nga nagkontrol sa mga pako nagsulti kanila asa mulupad ug unsay
buhaton. Makalupad ba ang langgam nga usa lang ang pako? Nakakita ba kamo ug
langgam nga tulo ang pako? Wala, mao nang aduna kitay duha ka pinak-an nga
gobyerno nga naghatag sa katawhan ug ilusyon sa pagpili, apan ang tinagoang mga
mando naa sa likod sa pagkontrol sa kasingkasing ug hunahuna sa wala ug too nga
mga pinak-ang gobyerno.
Ang
ilusyon sa pagpili nahatag sa wala ug too nga mga pinak-ang gobyerno sa
kalibotan apan kinsa ang nagkontrol sa hunahuna sa agila? Ug makalupad ba ang
agila nga usa lang ang pako? Ang Ilusyon sa Pagpili! Unsa nga pagpili!
Kini
labihan ka lunlon para makita giunsa ang “Masonic nga mga mando” uban sa ilang
mga lebel sa tulumanon nakuhaan sa ilang deriktiba gikan sa karaang mga amahan
nga sila Ham, Cush ug Nimrod, sama sa ilang abli nga pag-ingon sa ilang mga
libro nga ilang gisubay ang ilang mga
sistema sa tinoohan pabalik ngadto sa mga panulat nga Hermetiko, (Hermes =
Cush, anak ni Ham). Rosicrucians ug ang mga Freemasons nagsubay sa ilang mga
kaagi ngadto sa mga panulat nga Hermetiko ug mao kadto si Nimrod uban ni Hermes
(Cush), nga nagtukod sa ilang mando. Kini narekord sulod sa awtorisadong
publikasyon sa freemasonry nga gitawag "an Encyclopedia of Freemasonry and
its Kindred Sciences, by Albert G Mackey 33o, p.332..”
Sa
dihang nikaon si Eve sa bunga gikan sa kahoy sa kahibalo, iyang gidawat ang
gihanyag nga gipagbawal nga kahibalo. Ug ang kadaghanan ibabaw sa kalibotan
nasilhig ngadto sa taas nga mga ranggo sa Panglamat sa dihang gihanyagan sila
sa gibawal nga kahibalo gikan sa mga Magbalantay: “tan-awa ang nabuhat ni Azazel, kinsang nagtudlo sa tanang
kadaotan sa kalibotan ug nagpahibalo sa mga gipagbawal nga mga tinagoang
napreserba sa langit, nga diin nagkalisod nga makakat-on ang mga kalalakihan:"
1 Enoch. Ang Panglamat, kini klaro “Ang Lamat sa mga Magbalantay." Ang
tanan niining mahika, paglumay ug mga panganta, pagtagna, usa ka siyensya ug "tech-
knowledgey" gitudlo una ngadto sa mga kababaihan nga ilang nakarelasyon ug
naipasa ngadto sa ilang mga anak ug uban pa gikan niadto. Kini walay milabaw pa
kay sa “pinagbawal” nga kahibalo nga nagtulto ngadto sa hilabihang korapsiyon. Karon,
ang tinagoang mga mando sa mga Illuminati naggamit niining pareha nga kahibalo
batok sa katilingban sa kalibotan, pinaagi sa siyentipiko ug teknolohiya sa
Gira ug Kwarta nga pagkontrol, pinaagi sa pagbutang kada usa sa utang ug
pagserbisyo; pinaagi sa paggamit ug mga medisina; pagkaon, siyensya ug
produksiyon, mga nausab nga mga liso ug lagutmon; kalingawan sa telebisyon nga nadisenyo
sa pagprograma ug pagkontrol sa hunahuna sa mga ngatan-aw. Ang kontrol
nga nalimbasog sa kalibotan sa tanang mga nasod matukib lamang sama sa
satanasnong inspiradong paglaraw para sa kalibotanhong yutang sakop sa gahom
uban sa katawhan nga nagbutang sa ilang kaugalingon sama nga mga diosdios para
sa paghari sa kalibotan unsa man galing kadako ang magasto o sangpotanan ngadto
sa tibook populasyon sa kalibotan. Kini usa ka sukdanan nga makit-an ug
pabalik-balik sa kasaysayan sa kalibotan.
Kini
mubo nga panan-aw sa ubang mga kinalabwang punto sa gamut sa kung asa ta gikan
sa Masonic nga mga mando ug mga Tinagoang Mando sa Illuminate nga nag-ulipon ug
nagkontrol kanatong tanan.
Nan
ang Dakong Pangutanang akong nadungog nga Gipangutana sa mga Tawo mao ang Unsay
Atong Mabuhat Niining Pagdumala nga Kalibotanhong Panggobyerno?
Naghandom
ba kamo nga makabuhi gikan niining manlupigong
paghari, nangandoy ba kamo ug arang-arang nga pamaagi?
Ako
nagtoo nga anaay tubag, nga mahimong panulun-an sa sunod nga papel nga akong
ibahin kaninyo sa makadiyot.
Palihog
ayaw kalimot sa pagbahin niini ngadto sa inyong mga higala.
Copyright
2011.
Shalom
Michelle Lake
New Zealand
